Ongietorri Erretzeari uzteko online talde-tailerrera!

Osakidetzak eskerrak eman nahi dizkizu tailerrean agertu duzun interesagatik.

Ezer baino lehen, honako hauek hartu beharko dituzu kontuan:

• Erretzeari uzteko tailer bat da. Hirugarren astean erretzeari uzteko konpromisoa hartzen dute parte-hartzaileek.
• Esku-hartzeak taldean egiten dira.
• Parte-hartzaileak Internet bidezko saioetara konektatu beharko dira. Mesedez, ikusi agenda.

Tailerrak Internet bidezko 5 saio edo topaketa ditu. Lehenbiziko laurak astez aste egiten dira, eta, azkena, laugarren saioa egin eta hiru astera.

Saio birtualek 90 minutu irauten dute. Internet bidez egiten dira, doan dira, eta parte-hartzaileek terapeuta baten koordinazioa eta laguntza jasoko dute. Parte-hartzaileak ordenagailu, tableta eta mugikor bidez sar daitezke tailerrean.

Kronograman daude online topaketen datak.

Astean zehar, plataformaren bidez online saioetan aipatutako alderdiak landuko dira.

Tailerrean 12 lagun inguruk hartuko dute parte. Parte-hartzaileek tailerrerako sarbidea berresten dien mezu elektroniko bat jasoko dute.

Taldeko esku-hartze hau gaztelaniaz bakarrik egingo da. Hona hemen datak:

• 1. saioa: 2020ko irailaren 23an
• 2. saioa: 2020ko irailaren 30ean
• 3. saioa: 2020ko urriaren 7an
• 4. saioa: 2020ko urriaren 14an
• 5. saioa: 2020ko azaroaren 11n

Tailer honetan izena emateko epea 2020ko irailaren 20an amaituko da

Saioak arratsaldez egingo dira, 18:00etatik 19:30era.

Datek edota ordutegiak ez badira egokiak zuretzat une honetan, ez kezkatu, pare bat hilabete barru tratamendu honetarako beste data batzuk egongo baitira.

Osakidetzak eskaintzen dituen erretzeari uzteko beste tratamendu batzuei buruzko informazioa eskatzeko, deitu osasun-zentrora edo Osasun Aholkura (944 00 75 73).